Maitearen galdez

Urretan piztu ohi da mendian goizalba

txingarretan berotuz zure kale-salda

Bizkarrera ezarri zaldiari txalma

eta lauoinka zoaz ibar eta malda.

Asko mintzatu dira zure mendebaldez,

pistolero gaizto eta bide-lapur taldez.

Bakarti zara baina, moldez edo aldez,

beti ere bidean maitearen galdez.

Zuria sombreroa,

katea gorria,

zu zaitut larrosaren

atzeneko orria.

Mutil galanta zara kapelu ta guzti;

lehendabizi zintzurra wiskiz ondo busti,

damari gustuz entzun zazpi bat abesti

eta kapelu gabe joan zara ezti:

Sombrero azpikoa jiratu denean

mundua isildu da zure aldamenean;

berriz ekin diozu modu zuzenean

barrenak emandako hitzik onenean